Chévere 1987-2022 Trinta e Cinco Anos de Axitación Cultural. Isto Non Pode Ser o
Producións, Chévere
Chévere fai 35 anos e celébrao, logo de dous anos
de estrañas circunstancias, traballando arreo
e reencontrándose co público para ofrecerlle de novo
algunhas das súas creacións máis senlleiras.
Como parte desta celebración sae do prelo un volume
no que os lectores e lectoras, poderán afondar
na historia da compañía dende os comezos,
na Compostela de 1987, ata os últimos acontecementos
logo da pandemia, pasando pola etapa da Sala Nasa,
o Nunca Máis ou o Premio Nacional de Teatro concedido
polo Ministerio de Cultura no ano 2014 pola súa coherente
traxectoria de creación colectiva, transgresión de xéneros
e conexión crítica coa realidade.
Narrado en primeira persoa nun formato dialogado
e profusamente ilustrado, esta obra achéganos da man
dos seus integrantes o proceso de creación das producións
máis significativas, algunhas editadas xa por Kalandraka
na Biblioteca de Teatro.
Opiniones de los clientes
Aun no hay comentarios ni valoraciones para este artículo. Sé el primero en valorar este libro.
edit_square Añadir comentario